Pa por facilita cliente, un organisacion, y volumen di trabao, digitalisacion ta algo necesario. Pero di otro banda, bo tin cu hiba e contribuyente of cliente tambe hunto riba e caminda di digitalisacion. Segun mr. Luenne Gomez-Pieters, director di DIMP ta bisa cu no ta asina cu ta brinda sistema di digitalisacion y desea cliente bon suerte cu ne anto cla. “Nos a pone sigur enfasis riba e guia necesario.”
Manera anuncia diahuebs mainta, DIMP a caba di introduci sistema digital pa loke ta entrega di carta di obhecion. Riba website di DIMP, nan tin un guia pa por entrega e carta di obhecion hopi detaya. Tin screenshots di e pagina ora ta entrega e carta, caminda ta purba guia via paso pa yena carta di obhecion segun e sosten di e guia.
E contribuyente ta hopi visual dus lo mester saca un video tame pasobra ta asina cu hende ta capta e esencia di cosnan cu nan tin cu haci ora nan mira esakinan den un video, y nan ta reconoce ora di mir’e bek den e portal di DIMP.
“Nos tin sigur algun desafio. Mi no ta pretende cu e organisacion ta perfecto. Mi no ta pretende cu nos Call Center ta trahando 100% bon.” DIMP ta haya algun critica cu yamada no ta pasa of no ta tur ora ta coi telefon, e cantidad di empleado pa por atende e volumen di Yamada di telefon tambe por ehempel ta algo cu nan ta trahando riba dje tambe segun Gomez-Pieters.
Lesa mas den TREMPAN.
