Den e dianan aki Cas di Cultura ta sede di e trainingnan pa loke ta e preparacionnan di Arte di Palabra, cual edicion ABC lo tuma luga na Corsou, proximamente.
Julie Emerencia, Hefe di Seccion di Implementacion di Departamento di Cultura, y lider di Proyecto Arte di Palabra, a cuminsa na bisa cu e preparacionnan ta bayendo bon. Ta preparando dies hoben cu lo participa den Arte di Palabra ABC, cu lo tuma luga na Corsou. Ta trata di e dies hobenann cu a sali den finalista den Arte di Palabra Aruba, cu a tuma luga dia 2 di april ultimo.
Esaki tabata e di diescuater edicion y pa Emerencia, como lider di e proyecto, esaki ta su di cinco edicion. E iniciativa pa e proyecto aki a cuminsa na Corsou y nan a acerca Boneiro y Aruba, pa nan tambe forma parti di Arte di Palabra.
Pa un relato mas extenso, lesa TREMPAN.
