Ayera tabata inicio di loke a bira e careda anual Ronde van Aruba, caminda un cantidad grandi di atleta a participa, pasando door di varios bario, como tambe costa nort. Un di e atletanan aki ta Diederick Wernet, kende hunto cu su team, a train ya pa dos aña caba. E tabata un di e prome nan pa yega e strepi final!
El a splica cu aña pasa a dal’e den cinco ora mas of menos. E aña aki un coredo a cay afo, pa motibonan di trabao. E aña aki a busca un otro persona pa reemplas’e y a caba cu e ronde. Nan ta un di e prome nan cu a yega na Marinierskazerne. Awo ta djis sinta warda wak ki posicion nan a haya.
Preparacion
Segun Diederick, mirando cu nan ta coriendo den team, a acerca e coredo adicional kende a menciona cu e ta bay ta on. No mesun lihe cu e coredo anterior, pero dal’e toch, pa por cera e careda. E careda mes a bay hopi bon. Sin embargo e camindanan na costa nort ta na werki. Tin un rato a hasta perde caminda. Aña pasa tabata tin luna yen, cual a yuda. Pero e biaha aki tempo e anochi aki no a yuda realmente.
Gradicimento
Gradicimento ta bay na Superfood, kende ta nan sponsor di e aña aki. Sin nan e team no por a logra. Den e mesun rosea, Diederik ta encurasha tur hende pa haci e Ronde van Aruba. E mes tabata pisa 115 kilo y a cuminsa baha peso, no pa e careda. Djey su propio amigonan a motiv’e pa drenta den Ronde van Aruba y actualmente e ta un di e participantenan.
