Despues di hopi tempo diasabra awo porfin pueblo di Aruba lo tin fruta y berdura fresco fresco pa cumpra durante un Feria. Frasa Trading ta organisa riba e dia aki un Feria pa haci henter Aruba tin acceso na e comestiblenan aki fresco na un solo punto di benta.
Ta trata di berdura y frutanan di calidad halto cu a caba di yega Aruba.
Frasa a haya e siman aki un container di fruta y berdura y mesora a organisa un Frasa Market. Manera por corda, Frasa a dicidi cu 40 aña pasa nan a cuminsa cu fruta y berdura, y kier duna e servicio aki bek y bay na nan “roots”. A dicidi di haci un feria, esta market, unda e consumidor mes por cumpra fruta y berdura na un miho prijs di loke cu tin aworaki.
E Feria aki ta special cu e consumidor chikito den mente, unda e no ta obliga di cumpra un caha completo pero e tiki cantidad cu nan mester di dje. Na e market lo bay tin cuminda, musica, ijscream y hopi cos dibertido pa mucha y adulto.
Frutanan cu bo ta haya na prijs hopi halto awo riba mercado, den e feria aki ta bay ta na prijsnan atractivo. Tin frutanan manera melon, mango, bacoba, pero tambe berduranan manera promenton, tomati y hopi mas variacion y na bon prijs. Esaki ta e prome container di aña, pero a yega di haci esaki. E idea ta pa cada 2 siman of cada luna pa haci esaki y duna opcion di tin e feria. Frasa ta invita tur hende pa yega pa disfruta di e feria pero tambe lo bay tin sorpresa.
E prijsnan mes lo ta sorpresa pasobra nan lo ta mas abou di loke ta spera y e producto ta di super bon calidad. E ta un chens cu no por perde. E feria ta diasabra 15 di februari di 9:00am pa 1:00pm. E lo tuma luga na e parti patras di Frasa na e loading dock.
