Durante un conferencia di prensa Fundacion Anti droga Aruba a anuncia nan partnership strategico cu Romar Trading pa e campaña riba uzo y abuso di alcohol.
A base di e relacion nobo aki, a logra traha 3 video, segun director di FADA Juendel Sprok a splica den un conferencia di prensa. E videonan aki ta dirigi riba muchanan jong como adultonan.
Pa cuminsa, kier enfoca riba consumo di alcohol, si ta hacie, di un forma responsabel. Y pa ora bo ta maneha, no bebe of busca un busca un persona cu ta stuur auto pa bo. Pero tambe nan ta conseha, pa no haci esaki den cercania di muchanan. “Mester laga e muchanan crece den un ambiente sano, liber di alcohol.” Pero tambe ta conseha, den e videonan, cu si un persona ta bebe alcohol, e mester percura pa e come y bebe hopi awa tambe.
FADA ta contento cu basa riba tur e campañanan di ultimo añanan, manera esun di Amigo Didi, cu e hendenan a bira hopi mas consciente ora di bebe. Den e controlnan cu Polisnan a tene den e periodo aki, a constata cu hopi di e hendenan cu ta bebe, ta sinta na banda. Esaki ta mustra e bon resultado cu e campañanan di conscientisacion ta duna.
Rulienne Arends, trahado preventivo di FADA, di su banda tambe a expresa su satisfaccion cu e relacion nobo y cu pa medio di esaki ta logra yega un tiki mas bou di e hobennan, apesar cu e videonan ta bay pa tur generacion.
