Diadomingo di Rama lo bay wordo celebra na un forma special na Dakota. Esaki tambe ta den preparacion pa e Caminda di Cruz, cual lo ta e diabierna siguiente.
Gina Nuboer, kende ta un di e organisadornan di e Caminda di Cruz, a splica cu esaki lo ta e di 10 aña cu nan ta haciendo e Caminda di Cruz bibo y awo kier a haci algo special, adicional. Aña pasa Nuboer a acerca pastoor cu si pa e aña aki por haci e Diadomingo di Rama, cu tin di haber cu ta habri e siman santo cu Diadomingo di Rama. Ta e porta pa habri e Siman Santo. Pastoor a bay di acuerdo cu pastoor su bendicion cu Dia 25 di Maart atardi, 5’or e lo cuminsa. Tras di Pius X School. Celebrando asina aki similar na e Caminda di Cruz bibo.
Su Toke
Lo pasa den e cayanan di Dakota. Prome cu cuminsa cu e Diadomingo di Rama mes, lo tin dos milager. Esun caminda cu Hesus ta lanta Lazaro for di morto y caminda cu un hende muhe kende ta mishi cu e mantel di Hesus, ta cura.
Despues ta cuminsa cu e procesion cu ta e celebracion di Diadomingo di Rama mes. E ta sali for di Caya Appeldam, drenta Patiastraat, bira na man robes den Mispelstraat, pasa den Papayastraat banda di misa, djey drenta Shimarucustraat. Den Shimarucustraat, den un mata, Sakeo, Hesus ta pidi’e baha pasobra e ta bay cerca dje. Eynan tambe tin e interaccion entre Sakeo y Hesus. Despues e ta drenta Milonstraat y drenta misa.
Tur persona cu ta participa, lo tey durante e sacrificio di misa e dia eynan. Lo haci’e algo similar na e caminda di cruz bibo. Ta bay haya Hesus, algun solda, e pueblo, apostelnan, cu e dia tabata presente Diadomingo di Palma.
E mesun integrantenan tey presente, pero tin mas hende adicional y e porta ta pa habri pa Aruba completo cu kier participa. Djis tuma contacto cu e comision y lo haya bo vestuario pa participa pa e Diadomingo di Rama. Porta ta pa habri pa chikito y grandi.
Ensayo
A haci ensayonan caba. Ainda falta dos mas y e ora lo ta cla pa Diadomingo di Palma.
Invitacion
Esaki lo tuma luga dia 25 di Maart, sali pa 5’or di atardi tras di Pius X School y e ta caba na misa La Birgen di Fatima. Ta invita henter pueblo di Aruba, bin biba, bin celebra Diadomingo di Palma atardi, cu boso famia na Dakota.
