Diabierna awo ta dia internacional di epilepsia. Rond mundo ta celebra e dia aki, riba 26 di maart . Den entrevista cu Fundacion Epilepsia Aruba, ta stimula comunidad pa bisti algo cu color biña diabierna awo.
E presidente, Robert Nieuw, a splica cu ta pa algun aña caba a bin cu un Purple Day rond mundo. E motibo tras di e dia aki ta pa, no laga e pashentnan sinti nan so, pues pa nan sa cu tin mas hende cu nan den e lucha aki. Na Aruba mes tin como tres mil persona cu ta sufri di epilepsia. E fundacion ta organisa tres evento anualmente, ta un momento emocional ora pashentnan ta conta nan testimonio.