Darwin Winklaar, cu recientemente a gradua cu honor for di e Departamento di Moda na Gerrit Rietveld Academie, actualmente ta e representante contemporaneo di Aruba na un exposicion di moda yama Voices of Fashion hunto cu Percy Irausquin na Centraal Museum di Utrecht. Produciendo e miho tesis di su aña academico y como resultado a selecciona como candidato pa participa den e competencia di moda mas grandi na Hulanda, esta e asina titula Lichting 2020.
Darwin ta un artista prometedor den e ambiente di arte visual, musica y di moda. Innovando y promoviendo Aruba na Hulanda referiendo na nos cultura folklorico y urbano. Actualmente Darwin ta trahando riba su debut musical y ta pidi aporte di nos comunidad pa cu su proyecto ANEMOIA cual lo visualisa su districto di San Nicolas, Aruba. Tumando inspiracion for di e creencia cu tin como base elementonan folklorico, simbologia catolico, y nos herencia carnavalesco.
Darwin Winklaar ta un artista multi-disciplinario cu no solamente ta produci su mesun cancionnan pero ta crea henter e mundo visual cu lo acompaña su musica. Su musica ta conceptual, pues kier divulga un storia personal pero cu hopi di nos, cu a lanta den un hogar materno, lo reconoce. Treciendo hunto e realidad urbano en conhunto cu esun domestico den por medio di un lens multicultural.
Cu e proyecto ANEMOIA Darwin Winklaar ta haci su debut musical bou nomber artistico NIÑO DIVINO. Dunando homenahe na e sernan femenino, na su districto y na su creencia religioso, incluyendo e ritualnan domestico-religioso cu a yuda forma su identidad. Combinando influencia musical folklorico, carnavalesco y urbano pa asina crea un genero contemporaneo nobo cu lo
representa Aruba su autenticidad y influencia multicultural.
ANEMOIA lo converti den un EP (extended playlist) cu seis cancion. Cuater di e cancionnan aki lo wordo presenta na Aruba y mundo henter den e formato di cortometrahe musical (music films) cu ta mustra e magia di a lanta na San Nicolas.
Darwin Winklaar tin actualmente un campaña di recaudacion di fondo pa asina por recauda fondo pa por termina e prome etapa di su proyecto. Pues termina profesionalmente su seis cancionnan cual lo representa Aruba dignamente y autenticamente den e industria innovativo di arte visual combina cu musica.
Si ta desea di aporta na un version unico di Aruba y San Nicolas haci bo donacion pa asina nos keda engrandece nos produccion local di calidad halto. Sostene Darwin Winklaar su campaña di Gofundme localmente por medio di e siguiente detaye
bancario:CMB, NOMBER: Darwin E. Winklaar, NUMBER: 63688204
Sigui (follow) Darwin su proceso.
Youtube: https://youtu.be/P3-QEDgqQ8MIG: https://instagram.com/darwinklaar?igshid=15ze9c6jrnoon
Potret E artista multifacetico Darwin Winklaar.
