Polisnan a subi caya diahuebs anochi mescos cu e otro 26 dianan prome, pa 9’or di anochi y controla cu no tin violacion di Toque de Queda, cu ta cuminsa pa 9’or y ta finalisa pa 6’or di mainta.
Sinembargo ainda tin hende cu sea no ta cana cu un oloshi of no ta realisa cu Aruba ta den un Toque de Queda di berdad. Por compronde cu ta detene persona kisas yegando of dilanti cas caba, pero tin hende deteni leu di nan cas y hopi despues cu orario di Toque de Queda a cuminsa.
Te cu 6’or di mainta a detene en total 13 persona. E total pa e 27 dianan di Toque de Queda a bira 487. Manera ta conoci, e medida di TDQ a keda prolonga te cu 28 di april, igualmente Shelter in Place.
