Durante di e dianan di crisis aki Partido POR, bao liderazgo di Otmar Oduber, a sostene un serie di reunionnan pa presenta ideanan pa recuperacion di Aruba. Un di e ideanan desaroya pa genera entrada pa Gobierno di Aruba ta benta di e companianan di utilidad, esta WEB NV, NV Elmar y SETAR NV. Esaki lo por genera 100 miyon florin di entrada pa Gobierno di Aruba, segun e Plan di Accion di Partido POR.
Bao di Capiltulo 5 di e proposicion di Partido POR den paragrafo 2 ta skirbi:
2. Bende shares di companianan di utilidad (WEB, Elmar y Setar) cu fondonan di pensioen local. Esaki lo mester genera Afl. 100 miyon na entrada pa Gobierno.
Loading…
Reload document 
Open in new tab Nos sa cu tin fondonan hopi activo, manera di Milton Berlinski y Rene Kan (Aruba Growth Fund) cu a bin ta busca companianan manera esaki pa por multiplica e inversionnan di companianan di seguro. Ki participacion a duna na sindicatonan den e idea pa bende e companianan di utilidad no ta conoci.
Den caso di WEB Aruba NV, kisas e gerente, cu pa casualidad ta ruman homber di Otmar Oduber, porta si nan ta na altura. E hecho cu net u partido politico den coalicion y cu ta ruman di e director di WEB ta lansa e idea aki, ta hinca e director den un posicion masha fastioso mes dilanti su trahadonan. Cualkier hende lo pensa cu ta un plan esaki ta! No ta conoci si companianan di seguro Guardian Group y Ennia tambe lo a mustra interes pa cumpra e companianan WEB, Elmar y SETAR manera partido POR ta propone den su rapport.
Den pasado MEP a yega di para duro tempo cu kier a bende companianan estatal cu gruponan stranhero. Hopi no a lubida e accionnan grandi cu a organisa e tempo ey contra entrada di Fabela. E mesun MEP a para duro cu no por a bende Setar e tempo ey, pues con awo e mesun MEP ta para man crusa pa POR bende companianan estatal.
Pesey, e locual partido POR a propone awor lo ta un cambio radical di pensamento bao di e gobernacion di MEP/POR/RED, pa bende e companianan di utilidad.
