Departamento di Impuesto ta informa su clientenan cu dia 27 di augustus proximo lo start cu e campaña pa yena e formulario di declaracion di inkomstenbelasting 2017. E clientenan cu tin dificultad pa yena e formulario por acudi libremente na un di e sitionan unda e personal di Departamento di Impuesto lo ta cla pa brinda ayudo.
E campaña aki tin un duracion di un siman y no tin mester di haci un cita. Kendenan por participa?
1. Tur persona soltero cu tin un entrada bruto di no mas cu Afl. 75.000. 2. Tur persona casa cu – hunto – tin un entrada bruto di no mas cu Afl. 150.000. Ta importante pa tene na cuenta cu no por brinda ayudo na esnan cu tin un empresa propio of cu ta traha riba
nan mes. Na unda lo brinda ayudo?
Fecha Sitio Orario
27 di augustus 2018 MFA Noord 8:00 am – 4:00 pm non-stop
28 di augustus 2018 MFA Savaneta 8:00 am – 4:00 pm non-stop
29 di augustus 2018 Teresita Center San Nicolas 8:00 am – 4:00 pm non-stop
30 di augustus 2018 MFA Paradera 8:00 am – 4:00 pm non-stop
31 di augustus 2018 Biblioteca Nacional Oranjestad 8:00 am – 4:00 pm non-stop
Trece documento Departamento di Impuesto ta pidi su clientenan pa trece e formulario di declaracion di aña 2017 hunto cu tur comprobante necesario relaciona cu entrada y gasto, tanto na Aruba como den exterior. Alabes ta importante pa duna e datonan personal di e pareha casa y e yiunan. Despues cu caba di yena e declaracion e cliente por entrega esaki mesora y lo ricibi un comprobante. E clientenan cu nan mes a yena e declaracion por pasa entrega esaki na un di e sitionan di ayudo durante e dianan di ayudo. Conforme ley, e ultimo dia pa entrega e declaracion di inkomstenbelasting 2017 ta 3 di september 2018. Pa e clientenan cu no ta alcansa pa entrega nan declaracion pa e fecha aki, automaticamente Departamento di Impuesto ta prolonga e termino cu 3 luna mas. Den e caso aki e fecha final ta bira 3 di december 2018. Despues di e fecha aki no lo duna mas prolongacion di termino. Por sigui e pagina di Facebook di Departamento di Impuesto pa keda bon informa na tur momento. https://www.facebook.com/impuestoaruba/
