Manera tur aña Bureau Rampenbestrijding, hunto cu Departamento Meteorologico ta participando na Caribwave.
Den e ultimo 4 añanan, ta organisa esaki como exigencianan di region, con prepara Aruba ta. E aña aki ta Caribwave 2019, cu ta tuma luga otro siman diahuebs, dia 14 di Maart. E ta bay cuminsa for di 10’or di mainta y lo finalisa pa 3’or di atardi, pa Aruba.
Un biaha mas tur e departamentonan, first respondernan ta bay participa. Hotelnan tambe a registra pa esaki. Asina por evalua con prepara Aruba ta pa un tsunami.
Tsunami ta un parti di Meteo, cu ta bay haya e prome mensahenan pa informa comunidad y basa riba esey Lothar Irausquin, ta e persona encarga pa manda e mensahenan via Meteo diahuebs, durante dia.
Prensa ta participando caba pa 3 aña pa informa pueblo y e biaha aki tambe ta invita pa participa. Por tin e miho sistemanan pa manda mensahe, pero si prensa no informa pueblo, ningun hende no sa kico ta pasando na Aruba.
Lothar Irausquin ta un researcher na Departamento di Meteo y a duna un presentacion na prensa pa loke ta Caribwave. El a agrega cu cada aña Aruba ta haci e eheercisio aki pa garantisa cu ta prepara pa un situacion real di tsunami.
Scenario
E scenario lo ta un temblor cu ta sosode panort di Panama cu un magnitud di 8.5 riba escala di Richter, cual ta basta fuerte. E ta cuminsa pa 10’or di mainta.
Ta bay haya e prome mensahenan di Pacific Warning Center, caminda cu ta notifica via email, fax, y tur otro canalnan, cu tin un tsunami y Meteo mester prepara un boletin pa prensa y otro instancianan pa asina ta avisa cu tin un tsunami na caminda.
Meta
E metanan ta pa valida tur e advertencianan cu PWC ta saca pa Meteo y a base di esey ta traha boletin. Tambe ta pa evalua pa ta cla pa un tsunami.
Tin dos scenario, uno na Panama y uno banda di Barbados. Meteo a scoge banda di Panama, mirando cu esey ta mas importante pa nan.
E temblor ta cuminsa pa 10’or y e prome ola di tsunami ta yega Aruba 1 ora y 48 minuut despues.
Ora cu e temblor sosode, ta haya un mensahe via tur e canalnan oficial, cu tin un temblor. Mester prepara un boletin despues di 10 minuut y ta manda esaki via Rampenbureau y prensa. Instancianan concerni ta bin hunto y coordina tur accion kico pa haci.
6 minuut despues di e tsunami ta haya e mensahe oficial y a base di esey ta traha un boletin.
Aruba por spera olanan entre 1 y 3 meter full rond di e isla. Esey ta un situacion basta peligroso cu ta recomenda pa tur hende evacua e costanan di Aruba. Esaki ta segun e presentacion presenta pa Irausquin.
Tin posibilidad cu pueblo haya sa cu tin un ehercisio di tsunami, pero ta interpreta e eventonan robes, cu ta haya panico. Esey mester haya proceduranan pa e comunidad por ta informa debidmente cu ta un ehercisio y haya mal interpretacion y tampoco pa nan no drenta den panico.
Den e ehercisio aki, ta ilustra cu e ola ta bay full rond di Aruba y ta afecta caba na prome instante e area di hotel. Tambe e waf na Oranjestad ta bay bao di awa, despues cu el a haya un ola di 3 meter. WEB tambe durante e ehercisio, ta mustra cu ta bay bao di awa.
Situacion real
Den un situacion real, a base di entrenamento den e ultimo añanan, polis y brandweer a stel nan draaiboek bij den situacionnan grave. Tur aña e ta wordo ehecuta. Tin un bista cu Aruba ta basta bon prepara pa un situacion real, aunke cu tin espacio pa mehoracion. Ta pensa riba sirenanan banda di beach. A pensa tambe riba rutanan special cu ta indica cu ta un “safety zone”, cual tambe tin cu bin acerca. Pero en general Polis y Brandweer ta bon prepara pa algo asina.
Certificado
Aruba ainda no tin su Tsunami Ready Certificate. Pero ta bezig cu esaki, segun Irausquin. Ora cu un isla cumpli cu cierto rekisitonan, e ta haya e certificado.
