Diamars mainta manera cu e yamada a drenta cu e Kalendernan di 2018 por wordo busca, nos a tuma contacto cu sr. Di-Estefano Wernet di Lotto pa Deporte. Esaki no a bay facil, mirando cu sr. Di-Estefano Wernet ta dificil pa haña debi na su compromisonan di trabou.
Sr. Di-Estefano Wernet a keda contento di por a ricibi e Kalender 2018 cu awor si a keda cla. E prome palabranan di sr. Di-Estefano Wernet tabata cu nan ta bunita, good job. Lotto pa Deporte ta haci un yamada na nos comunidad pa nan tambe contribui y cumpra Kalender for di Brazil Taekwondo Stichting.
Brazil Taekwondo Stichting ta un di e fundacionnan cu ta lucha masha hopi mes pa su atletanan pa nan por logra pa representa Aruba na grandi internacionalmente.
Nan no sa pidi placa so, pero ta haci diferente actividadnan pa recauda fondo pa e atletanan por biaha y saca e cara di Aruba na campeonatonan di taya.
Den 2018 tin varios campeonato internacional y nos mester di material pa train y un transporte pa e team di Train Hard Fight Smart.
Pa nos por logra esaki, nos mester di e pueblo di Aruba pa cumpra un of mas kalender y tur e fondo aki lo wordo bon usa na bienestar di Aruba mes.
