Djabièrnè 18 di òktober alrededor di 23.50’or, un unidat polisial a detené un hòmber, despues ku el a menasa, maltratá i kousa destrukshon na e kas unda un dama ku kende e tabatin un relashon, tabata keda. Algun ratu promé ku su detenshon, e hòmber aki, R.B. nase na Kòrsou di 26 aña di edat, a yega na kas unda e dama aki ta keda i kousa destrukshon na e bibienda, miéntras e tabata menasa su víktima.
Despues e lo mester a drenta paden i maltratá e dama aki na vários parti di su kurpa. Despues di su akto, e sospechoso a bai for di e sitio. Un ratu despues polis a bin lokalis’é riba Sta Rosaweg i a detené. A present’é dilanti di un fiskal ouksiliar ku a ordená su enkarselamentu pendiente di mas investigashon.
