Djadumingu 29 di yüli 2018, alrededor di 03.05 or di marduga, Sentral di Polis a haña notifikashon di un kaso di ladronisia na un restorant den área di Dominguitu.
Na yegada di e patruya na e sitio a tuma nota ku e hòmber sospechoso tabata huyendo for di e sitio i polis a hañ’é ta los tironan di atvertensia. Durante di un buskeda den e área a bin haña den un kura di kas bou di un palu un tas ku bebida alkoholiko i un baiskel ku e hòmber sospechoso a laga atras.
Den e mesun área a detené e hòmber sospechoso D.A.W. nasé na Kòrsou di 51 aña di edat, komo sospechoso di ladronisia.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.
