Tabata alrededor di 9:30 pm ora cu polis a topa cu un homber canando memey caminda riba Caya G. F. Betico Croes. Ta net poco pariba di El Chalan. E homber tabata crea peliger pa su mes y tambe p’e automobilistanan.
E tabata subi caminda djey bay riba acera y bolbe subi caminda, por poco auto a alcans’e. Ta sospecha cu e homber bou influencia di un of otro substancia riba caminda publico. A bay over mesora n’e proceso di detencion.
E homber no tabata contento cu a deten’e. E tabata supla e polisnan, pa nan no mishi cu ne. Djey el a bisa e polisnan pa no mete cu ne pasobra e ta un bruho. Na final el a haya ta bon di; purba scupi e agentenan. A transport’e pa ward’i polis caminda un subfiscal lo dicidi si e homber lo drumi na cas of riba beton.
