Diabierna tabata tin un bazaar bon bishita na SPO. E bazaar no a bay sin problema durante e bishita di cierto hoben. Hasta na dado momento tabata necesario presencia policial. A menciona cu den e pelea tabata tin agresion cu palo y cortamento cu cuchiu. Pa ora polis a yega a tende cu esnan envolvi a disparce. Polis a busca den e area y papia cu diferente testigo. Mirando cu a menciona cu tin hoben herida, polis no solamente a busca rond, pero tambe a bay te IMSan pa mira si un hende herida a yega na e sitio. Mester remarca cu ningun hende a yega ora cu polis a bay. Polis a bay bek na e scol SPO unda a purba mantene ordo cu nan presencia. Hopi hoben presente y basta tension por a sinti. Tabata spera mas problema. Despues cu polis a bandona IMSan a bolbe IMSan pasobra e hoben herida a yega eynan. E tabata herida y a conta cu nan a dale cu palo. A atende su heridanan. A pidi slachtofferhulp pa presenta na e sitio. Eynan a pidi tambe pa e recherche cu ta atende cu casonan di menor di edad. E hoben cu tabata herida ta un menor. Autoridad tin atencion pa e caso.
