Accidente basta fuerte a tuma luga riba Watty Vos Boulebard na altura di rotonde Ponton caminda cu un vehiculo maneha pa un persona femenino a impacta contra un otro auto y pone esaki baha caminda.
Ambos vehiculo a termina na banda di e boulevard, den un area di santo. Ningun di e dos chauffeurnan a resulta herida pero patruya motorisa cu tabata prome pa presenta na sitio a tuma nota mesora cu e chauffeur cu a ocasiona e accidente tabata mustra bou di influencia. Esaki a tuma luga aproximadamente 4:30 pm direccion abou rumbo Bushiri.
Tin di menciona cu na momento cu a bin cu diferente medida durante pandemia, Cuerpo Policial tambe a opta pa elimina uzo di e Alco-Sensor (artefacto cu polis na uza pa test nivel di alcohol) durante control / accidente den trafico. Algun tempo pasa a tuma nota cu e Alco-Sencor ta bek den funcion y chauffeurnan no tin e suerte mas di laga esaki na duda si acaso nan ta bou influencia of no.
Mesora a pidi pa test e chauffeur femeni turista Colombiano (na stuur di un Hyundai color Shinishi ) y corectamente e tabata bou influencia. A pidi transporte mirando cu a detene na sitio. Di otro banda e chauffeur di e otro vehiculo ( Kia Rio color cora) tabata visibelmente preocupa despues di e susto cu el a pasa aden. Na sitio por a observa cu e chauffeur femenino no tabata coopera cu e agentenan policial y tabata haci nan trabou poco dificil.
Afortunadamente no a pasa di bira algo mas grave.