Diabierna anochi alrededor di 10:15 pm a sosode un incidente entre dos hungado di futbol riba veld di Yara na Savaneta. Aki ta caminda cu durante e partido di La Fama contra Brazil Jrs, dos futbolista a dal contra di otro, di cual un a bay for di tino. Mesora a bati alarma na polis y ambulance.
Ambulance a tarda un poco prome cu a yega na sitio, na nan yegada cos a bay for di man. Varios persona a lanta cu e personal di ambulance, un di nan a bay asina leu di a agredi un di e paramediconan riba ambulance. Ta tur motibo pa polis presenta cu maximo cu urgencia pa atende cu e situacion.
Na yegada di polis, a bay over mesora na e proceso di detencion. A detene e agresor y a transport’e pa warda di polis pendiente investigacion.
