Diasabra anochi alrededor di 7:00 pm a sosode un accidente na altura di Washington 62B. Aki ta caminda cu auto marca Toyota modelo Yaris color blanco numera A-22325 a dal den un pal’i di luz. Ta un damita menor tabata stuur e Yaris. Parce tabatin un trio hunto cu ne den auto, pero despues di e impacto, nan a core bay lag’e su so na sitio.
Un rato despues, e mama di e chauffeur menor a presenta na sitio. Polis a detene e chauffeur menor y transport’e pa ward’i polis mirando cu no ta permiti pa stuur auto sin un rijbewijs valido. Pa awo, e chauffeur lo permanece encarcela, sin su amigonan y cu un debe riba su cabes.
