Despues di casi 2 aña un otro “Black Out”

1974

E hecho cu awe 11 di mei 2018, nos isla completo ta sin coriente, ta hiba nos pa revisa historia di “Black Out” riba nos isla. E ultimo “Black Out” cu nos a conoce tabata riba diasabra dia 30 di Juli 2016. Pues despues di casi 2 aña nos ta haya nos mes den e mesun situacion. Ta remarcabel cu ultimo añanan, e tendencia aki ta birando mas y mas, aunke cu tanto WEB como ELMAR ta invirtiendo hopi mas den tecnologia y ekiponan mas moderno.

E “Blackout” prome cu 2016 tabata esun di diabierna merdia 23 di october 2015. E tempo ey WEB a bisa cu un “Root Cause Analysis” lo mester a saca afor kico a conduci cu Elmar a benta WEB abou. Na WEB tin 7 feeder y ora cu feeder number 4 a cay afo, automaticamente e ta benta tur otro abou, mandando e operacion di WEB plat.E situacion similar prome tabata di Diasabra 5 di januari 2013 ora tambe a conoce un caso di “Blackout”, debi na un fayo den suministro di combustibel den un di e boilernan na WEB. E dia ey coriente a bay 10:11or mainta y ta te 6:58 or anochi a caba di reconecta e ultimo cliente riba e red di distribucion di coriente.Un cos ta sigur, cada biaha cu tin “Blackout” ta paralisa henter nos isla, economicamente, socialmente y asina por sigui menciona. Director di NV ELMAR a indica cu pa WEB y ELMAR, pa cada ora cu no tin coriente, ta costa alrededor di 100 mil florin na gasto. Esey ta interno, sin conta e falta di haya entrada na uzo di coriente y e impacto economico.