Departamento di Asuntonan Economico, Comercio y Industria y su unidad Exprodesk ta organisa ‘Export Week 2023: Conquering New Horizons’.
E Export Week aki lo tuma luga dialuna 3 di juli y lo termina diabierna 7 di juli na Departamento di Asuntonan Economico, Comercio y Industria (L.G. Smith Boulevard #160 Sun Plaza Building 2nd Floor), ful e siman di 9:00 am pa 12:00 pm. Participacion ta gratis y e idioma lo ta na Papiamento y Ingles. Pa por participa mester registra na: https://cutt.ly/ExportWeek2023.
Export Week 2023: ‘Conquering New Horizons’
Export Week 2023 ta organisa pa tur entrepreneur y comerciante local. Durante e Export Week, e participantenan lo ricibi informacion tocante ‘E-commerce latest trends’, ‘Free Artificial Intelligence (AI) tools’ manera ‘ads creation’ y ‘content writing’; ‘digital assets latest trends’; con AI por yuda bo adapta of crea un modelo comercial nobo; con pa distingui entre un bon y un mal oferta di producto; e canal adecua pa yega na bo usuarionan final; con pa organisa e evenementonan digital cu un sistema di pago cu no ta uza efectivo; ‘blockchain’; e futuro di e pagonan digital; bienes digital/NFT y mucho mas!
Tambe durante e siman tur participante ta haya e oportunidad unico di por bin cu nan laptop pa asina experiencia pa nan mes con ta traha cu ‘AI tools’ cu ta completamente gratis.
Orador local y internacional
Lo tin varios oradornan local kende ta Edjean Semeleer di Go Cultura, Jorge Zarraga di JZ Marketing & Communications, Fred de Jong di Reconnoitre, Marlon Kock di Aruba Bank, Germille Geerman y Ruben Metevosyan di MATEVO Multiverse. E oradornan internacional lo ta David B. Levy Maduro di CX Pay y sr. Wessel Mol di Holland House Colombia.
Pa mas informacion over di Export Week 2023: ‘Conquering New Horizons’, por tuma contacto cu Sharon Meijer via: [email protected].
