Aruba lo ta sede di un campeonato grandi di Bodybuilding, den su di 50 edicion. Ta trata di e Central America Caribbean Bodybuilding & Fitness Championship. E lo tuma luga diasabra y diadomingo na Marriott Aruba.
Giovanni Arendsz, Presidente di Aruba Bodybuilding & Powerlifting Association ta hopi contento di anuncia cu Aruba lo bira e pais pa host e campeonato aki, un logro bastante grandi pa loke ta mundo di deporte pa Aruba. “E ta bay ta un campeonato bastante grandi, cu por lo menos 28 pais y mas o menos 250 atleta di diferente pais.”
E ta bay ta un campeonato unda tur atleta lo bini den tremendo forma. Lo tin algo nobo tambe cu yama ‘Kids Fitness’ unda e muchanan chikito, di entre 6 y 7 aña, lo participa. Nan lo haci un rutina riba escenario. Esaki ta algo cu ta creciendo hopi na Mexico, Republica Dominicana y otro paisnan. Aruba Bodybuilding & Powerlifting Association kier trece esaki pa cuminsa bira un custumber tambe na Aruba y den e region.
Tambe lo tin un categoria similar na Crossfit cual yama e Fitness Challenge, un campeonato cu lo tuma luga diadomingo awor pa 8:00am rib’e parkinglot di Marriott Hotel.
Pa mas, lesa TREMPAN.
