Diasabra anochi alrededor di 10:45 pm polis a presenta na Desert Apartments na Madiki p’un problema entre pareha. Despues di varios ocasion cu e dama ta pasa mal tempo na man di e homber, awe el a dicidi di bati alarma na polis.
Nan tabatin un intercambio di palabra formal cu a sigui hasta na agresion, segun informacion ricibi. Polis a purba intermedia entre e pareha pero sin resultado.
Debi na e acusacion fuerte, a opta pa detene e homber y transport’e pa warda di polis caminda lo present’e dilanti un subfiscal.
