Despues di 23 aña sin sinti e sabor di victoria, Dakota a sali celebra diadomingo atardi cu un tremendo parada, como campeon di futbol Division di Honor di Arubaanse Voetbal Bond. E pueblo a ricibi SV Dakota cu brasa habri.
Mas cu 100 auto a uni nan mes tras di otro, bisti den colornan geel y preto. A mira hasta e mascota di e team di futbol den e parada cu a pasa den Tarabana, Cumana, Morgenster, Sta. Cruz, Piedra Plat, Paradera, Catiri, Tanki Leendert, Noord, Tanki Flip, Ponton y Playa.
E parada a culmina cu presentacion di e babda N’Fusion y Mellow den Centro di Bario y Deporte Dakota.
