Algo pasa di 4or di atardi diadomingo, a sosode  un accidente di cadena entre tres auto. Patruya di trafico a wordo notifica pa Forensys cu riba e caminda pa bay Eagle Beach tin un accidente cu tres auto envolvi.

Mesora e patruya a dirigi su mes na e sitio menciona y a bin topa cu un autobus blanco y un Kia Soul blanco y un Kia Rio color blauw. Ora polis a bay chek kiko exactamente a conduci na e accidente aki, e manehador di e autobus a conta polis cu el a para pa laga algun di turista crusa caya.

Na dado momento el a sinti auto bin dal su auto di patras. Ora el a bay chek el a wak cu e Kia Rio color blauw tabata biniendo for di noord y e chauffeur no a paga tino cu e autonan a para y a dal tras di e Kia Soul. Despues e Kia Soul a dal tras di e autobus. E manehado di e Kia Rio ta un mucha homber di 16 aña coriendo dimes sin rijbewijs. Polis di trafico a handle e accidente. Daño material tabata considerabel.

Comments

comments