Awendia bo no por pensa den terenonan grandi mas di plantacion. Tin hopi factor cu ta hunga un rol. Desaroyo a haci hopi impacto riba e parti di agricultura, pasobra hopi tereno a wordo hala aden pa desaroya edificio, diferente otro cos y tambe e sistemanan awendia ta cambiando. Ta modernisando. Por ehempel bo kier sistemanan caminda cu por produci mas, den un area mas chikito. Pero tambe concentra caminda cu tin e chens e ora di evita problema cu biento, problema cu insecto, problema cu malesa di e mata mes. On the long run, e parti tradicional lo keda existi, pero tin cu motiva e jongnan cu awo tin e oportunidad pa bay studia den e direccion eynan, pa bay busca conocemento den sistemanan mas modernisa. Si e compania den Landfarm, por a produci ora cu e tabata tin suficiente awa, full su 10 invernaderonan di producto, anto lo por hopi mas cu esey.
Organisacion
Como Santa Rosa a papia hopi biaha cu e cunukeronan. E ta conta pa piscadonan tambe. Mas uni bo ta como bloke, bo voz lo wordo scucha hopi mas lihe y bo por logra hopi mas, pasobra bo tin 200 hende cu e mesun vision y meta. Atrobe awor aki, den e tayer, a trece esaki dilanti. Como productornan local y cunukeronan, mester ta un tiki mas uni. No mira otro como competencia, pero wak otro mas bien como un solucion pa bo por compensa otro y sin lubida e parti di informacion cu bo por comparti.
Control riba contaminacion di dam
Santa Rosa a sinta cu e departamento di naturalesa y di salubridad publico. Por mira cu awa no ta yobiendo y e cantidad di awa di dam ta bahando y ta hayando hopi melding di Septic Trucks cu ta bay busca awa. E hendenan no ta compronde e peliger cu tin ora cu bo contamina awa cu slangnan cu tabata tin contacto cu awa septico. Ta papiando di diferente malesa. Uno cu ta hopi peligroso cu ta E Coli, cu tin paisnan cu gruponan di hende a muri pasobra e bacteria a bay den e producto. Ta purbando hopi lihe pa bin cu un maneho caminda cu tin cierto ideanan pa bin cu un pilot pa por traha un modelo di con lo por proteha e damnan y ta spera cu lo tin sosten di e ministernan pa esaki. E lo bay rekeri e cooperacion di mas cu un minister.
Santa Rosa ta traha hunto cu Despa y tin 14 dam cu nan ta controla, nan ta coy muestra. Santa Rosa kier wak si por haci uzo di mas dam. E idea tambe ta awor aki pa traha un documento cu formalmente cada dam e nomber cu por wordo registra, cu esey ta e nomber di e dam y tambe cu por bin un maneho di control mas constant.
