Heberto Gamero Contín ta un otro cumprado engaña di e proyecto Acqua Condominium. E ta uni na Jose Potenza y Susana Mateo pa husticia di loke e desaroyadonan di e proyecto aki.
Contín ta conta cu na februari 2009 nan a cumpra tres apartamento na Acqua Condominium cu tabata loke nan a spaar henter nan bida y nan tabatin hopi ilusion pa pasa vakantie largo rib’e isla. Nan lo a verhuur dos y lo a laga uno pa nan por biba aden.
Tempo cu Contín a cuminsa cu e proceso di compra, e tabatin 56 aña. Awe, e tin 70.
For di un principio tabata cla cu e edificio lo ta estrictamente pa uzo residencial y lo ta entrega na 2013, te asina leu.
Debi n’e problemanan “di mercado” na 2015, un desaroyado nobo (Venancio Gonzalez), a cumpra e proyecto aki y un aña despues a cuminsa realisa reforma pa convirtie den un hotel.
Na september di 2019, e desaroyado a firma un contract cu e cadena di hotel Radisson Blu pa opera e edificio. Un minister di e gobierno di Aruba tabat’ey presente, den e caso aki Dangui Oduber. Dicho contract a firma sin notifica ni pidi autorisacion n’e propietarionan miembro di e hunta di e condominium forma na 2010.
Na december di 2020, a informa e cumpradonan finalmente (carta di abogado Geoffrey Wever), segun Contín, cu e edificio lo ta opera pa Radisson Blu, cu lo disolve e hunta di e condominium inicial, cu lo dividi nan den parcela, cu nan lo mester paga e mehoracionnan realisa y cu si no tabata di acuerdo nan lo tin e opcion pa pidi pa debolbe loke a paga na 2009.
Na april 2021 e hotel a habri su portanan.
Consciente cu e permisonan di e habilidad lo a concede, casa di Contín y e mes, a bin Aruba cu e intencion di firma e scrituranan.
Esey no tabata posibel. E desaroyado a nenga di firma si nan no acepta e cambionan. Despues di tres luna riba e isla, nan a bolbe bek nan pais di origen sin e scrituranan.
Na october di 2021 lo a manda e cambionan (addendum) definitivo. Cansa di warda, Contín y su casa a acepta e condicionnan cu e hotel a impone (huur solamente a traves di nan, pone nan mobiliario, etc. aunke ainda no a fiha e porcentahe p’e huur di e apartamentonan), a acepta asigna y transferi n’e desaroyado e parcelanan di e piscina, e clubhuis y e parcelanan lateral unda cu lo construi dos edificio similar n’esun di nan. Tur a cambia di un derecho di uzo permanente y negoshabel di e piscina y e clubhuis, di e forma aki por bende of huur e unidadnan sin problema algun, cual echo nan a confia.
Na februari di 2022 a manda e porcentahe y condicionnan definitivo di Radisson Blu n’e pareha: 57% pe hotel y 43% p’e propietarionan, gasto di e condominium tabata riba nan propio cuenta (menos un descuento cu ainda no a aplica), tambe e mobilario cu ta pasa 40 mil dollar y varios reparacion…. “Nos a sinti nos burla. Ya nos a firma e addendum y e contract di comprabenta, asina nos tabata den man di e operador dje hotel.” A manda un sin fin di e-mail cu a keda sin contesta.
Despues di un aña cu dos real estate reconoci di Aruba, no a bende ningun di e apartamentonan aki, mucho menos lo ta un opcion huur nan.
“Nos no tin duda cu e condicionnan tabata na fabor di e hotel, t’e culminacion di un engaño planifica pa varios aña. A pesar di tur cos, nos ta confia cu bin husticia riba e isla feliz, cu esunnan cu a impulsa e proyecto di Acqua Condominium Aruba.
Riba e documento adhunto por lesa e diferente puntonan cu pareha Contín a trece dilanti cu tur e detayenan pa loke ta trata nan compra y tambe e engaño cometi contra nan.
