Aña no a caba ainda, pero hopi di nos na Aruba ya caba ta pendiente pa Carnaval 2019. Un di e eventonan principal di e temporada lo ta ‘Aruba Caiso & Soca Monarch’, cu lo tuma lugar for di 4 pa 9 di februari.
Lo tin carchinan ‘early bird’ y na prijs special uzando bo carchi di Fun Miles dianan 23 y 29 di november proximo. Esunnan cu ta pendiente pa e gran evento aki ta wordo invita pa nan ta super liher, ya cu e carchinan na prijs special ta limita.
Tocante Caiso & Soca Monarch
E evento espectacular aki ta Aruba su festival di mas grandi den temporada di Carnaval, y ta presenta Aruba su miho compositor- y bandanan, tur lo ta den competencia pa e titulo di King of Queen di caiso y soca. E biaha aki carchinan lo ta unicamente obtenibel como pakete. Pa 100 florin, bo ta disfruta tur anochi- for di e anochi preliminar dianan 4,5 y 6 te cu e gran final riba diasabra, dia 9 di februari.
Si bo ta un ‘early bird’ bo tin bo descuento!
Miembronan di Fun Miles tin suerte. Nan tin e oportunidad pa cumpra nan carchi (pakete) pa 3,750 Fun Miles, of 750 Miles plus 60 florin. Esey ta nifica cu nan lo NO paga 100 florin, sino equivalente na 85 florin. E unico manera pa bo cumpra un carchi den e special aki ta, durante Fun Miles su Early Bird Event na Kooyman riba diabierna dia 23 di november di 2PM pa 6PM, y diabierna dia 29 di november di 9AM pa 9PM. Lo bende carchi tanten cu tin den stock.
Hopi Fun na Kooyman
Esunnan cu cumpra nan carchi diahuebs dia 29 di november durante di e Early Bird Event na Kooyman lo probecha di hopi descuento mas durante di Kooyman su Shopping Night. Lo tin diferente promocion y workshop cu chens di gana hopi premio. Lo ta super fun cu e Fun Miles Team!
Mas informacion tocante Fun Miles?
Tuma contacto cu Customer Service na 588 9947 of bishita funmiles.net of facebook.com/funmiles.
