Mientras cu awa ta yobe mayoria di nos agrcultornan ta probecha di e poco awa cu ta cai. “Unda tin awa tin bida”, manera e dicho ta bisa. Cunuco bunita planta ta sigur lo bo mira den e temporada aki. Esaki ta e caso cu nos a mira na e bishita aki.
Riba un bishita cu Departamento di Agricultura, Cria y Pesca a hasi den e bario di Sta. Cruz pa ta exacto na Paplion. Aki nos a bishita un bon amigo di Santa Rosa. Nos ta papiando aki di sr. Edwin Croeze kende ta un persona cu tin un aplio experencia cu plantamento aki na Aruba. Manera e mes a conta nos cu semper su kerido tata (dfm) tabata planta e cunuco grandi cu nan tin. Semper nan a keda cu e amor pa agricultura for di edad hoben. Edwin semper a keda cu e gana y amor pa sigui cu plantacion. Trabou duro di cunuco nunca ela core pe. Semper percura pa mantene su cunuco bunita.
Durante di nos bishita Edwin mes a cana cu nos un mustra tur kico ela planta e biaha aki. Un seccion di pinda basta grandi cu ya caba ta creciendo hopi bunita y ta bayendo hopi bon. Nos a sigui cana bai na un otro parti caminda ela planta un otro seccion di Patia. Un poco mas bandi di e patianan ela planta Melon. E Boonchi Cunuco no por falta. Den e untro seccion e tin Comcomber Chikito. Un variacion di plantacion cu Edwin a hasi cu sigur tur ta canado den bon direccion. Si awasero sigui copera di e manera cu eta bayendo yobiendo un poco tur dia lo por tin un cosecha hopi faborable pa sr Edwin Croeze.
Di nos parti nos ta felicita sr. Edwin Croeze cu un bunita cunuco planta cu diferente fruta y berdura. Awendia no tin mucho cunuco mas planta cu nos por mira pero sigur hopi contento di por mira tipo di cunuconan asina.
Nos ta sigui concientisa pa kisa no pensa riba cunuconan grandi pa planta pero si hacie den escalanan mas chikito. Pensa riba locual bo ta uza diariamente den cushina y purba planta esakinan. Sigur e lo yudabo baha gasto di supermarket y bo ta come mas saludabel.
