Nos ta asercando e ultimo dos dia nan di e torneo mas grandi den deporte na Aruba, esta Aruba Beach Tennis Open 2018.
Torneo cu a cuminsa di dialuna y lo termina diadomingo awo, dia 18 november. E evento aki ta tuma lugar riba Eagle Beach net dilanti Oceania. Weganan ta cuminsa di 9or di mainta y ta termina te anochi laat. Despues di 10or tin animacion musical di tanto DJ y banda nan local
E weekend aki tin e culminacion di e ITF doubles tournament, den tur categoria, esta beginners, intermediate, advanced y e highlight, cual ta e nivel Pro. Por presencia sigur e top 20 hungador nan masculino y femenino na Aruba actualmente.
E evento aki, no ta unicamente trese hungadornan di exterior, pero sigur un grupo basta grandi di persona cu ta bin pa presencia e weganan aki. Nos por remarca cu for di Brazil so a jega un total di mas cu 500 persona. Na hungador, e total a surpasa 1100 e aña aki, compara cu 700 den 2017
No perde e evento aki. Nos ta warda boso na Eagle Beach
