Awe a drenta e noticia tristo cu Miguel Sepulveda, naci dia 11 di september 2010 na Aruba, a fayece na Hospital. E tabata interna e ultimo dianan aki pa motibo di bruela, cu a haci’e hopi malo, dun’e complicacion, te cu el a fayece. Miguel ta kedando na Imeldahof, ta hungado di SV Bubali y ta masha stima pa hopi.
Desde dia 1 di februari 2018, a transferi Miguel for di Fundacion Guiami pa Imeldahof. E ta hunto cu 3 otro ruman kedando eyden. E mama a bay biba afo y consecuentemente e wela a keda encarga pa cria e nietonan. E ta bishitando St. Aloysius College. Tur e ultimo dianan aki cu e ta malo, Imeldahof ta busca su huiswerk na scoly hib’e pe na cas pa e traha. Asina pa evita cu e ta pega otro studiantenan cu bruela.
Dos siman pasa Fundacion Guiami y Imeldahof a aproba pa Miguel por a bay keda na cas di su wela. E tabata malo, parce cu tin mas mucha den Imeldahof cu bruela. Pero ayera ultimo Miguel a bira asina malo cu a hib’e Hospital pa tratamento medico. El a drenta canando. A intern’e pero awe a drenta e noticia conmovedor cu e no a logra gana e bataya cu su salud y a fayece.
Miguel ta un hungado di futbol. E ta hunga den e luga di U-9 di SV Bubali, cu a keda masha conmovi cu e noticia tristo aki.
Hopi forsa na famia, den e momentonan dificil aki. Cu Miguel sosega na paz.
Parce cu ta for di dos siman pasa caba
