Cuatro Piloto di Aruba den Sodi World Serie na Italia

Cuatro Piloto di Go-Kart ta biahando pa Italia pa competi den Sodi World Serie, cu ta organisa competencia rond mundo. Di Aruba 4 piloto a clasifica pa participa den e competencia mundial.

Joshua Alders, ta un di e pilotonan ki, kende a conta cu e ta forma parti di “Team Do It”, cu ta consisti di 4 coredo. E ta un on chens, segun Alders a splica, pa hiba of pone nomber di Aruba na halto aya den e competencia mundial aki.

El a splica cu aki na Aruba tin competencia tur luna y asina e piloto ta acumula punto. Esnan cu tin mas punto acumula ta clasifica pa e competencianan mundial, mas tanto na Europa. Nan a clasifica tanto den categoria individual como den team.

E team di Aruba ta consisti di Joshua Alders, Michael Lacle, Andre Trom, y Dolfito Lesandrina. E trainer di e team ta aka Colebra.

Nan ta participando cu 40 team y rond di 100 piloto, unda ta participando den “sprint cup” y “endurance cup” Den e categoria di “sprint cup” ta bay tin caredanan clasificatorio tur dia mientras cu den “endurance cup” ta trata di un careda di 12 ora sigui. Cada tanto tempo mester cambia piloto y e team cu wanta mas largo ta e team ganado. Cada cuanto tempo ta cambia piloto ta un strategia cu ta keda den man di cada team. E competencia aki ta cuminsa den oranan di madruga y lo dura te den oranan di merdia.

Interesante ta u SODI tin 100 vehiculo di Go-Kart completamente nobo sperando pa e pilotonan uza den e competencianan. Tur e vehiculonan ta calibra di e mesun forma, pues un careda balansa pa tur e participantenan.

Andre Tromp, campeon di sprint cup na 2018 y cu lo biaha cu e team dia 7 di juli awo pa Italia, a haya cu e forma di competencia di Sodi ta interesante. Tur auto ta nobo, pues tur piloto participante tin e mesun chens den e competencia.