Tin ekiponan na Ultimate Automobiles caminda cu ta mustra extra siguridad rond di nos isla. Pa hopi tempo nos a conoce loke ta Kustsurveillance. Na Aruba nos a conoce esaki mas of menos 15 pa 20 y pico aña pasa. Algo cu despues no a sigui. Tabata polis, douane, kustwacht. Tur tabata traha hunto y asina tabata controla costa, te ora cu Kustwacht oficialmente a drenta cu su botonan y asina for di lama caba, tabata controla costanan di Aruba. Mientras tanto esey ta tumando luga keto bay.

Awo te hasta polis y kustwacht ta riba lama. Awor aki polis, douane y hasta kustwacht ta den un proyecto caminda cu nan lo bay controla nos costanan, pero for di tera tambe.

Marcel Meenhorst ta sales manager di e compania cu a importa un total di 4 jeep, full prepara y cambia, pa asina polis y douane por haci nan trabao.

Meenhorst a splica cu nan tabata papiando cu recherche y un team basta tempo caba y nan deseo tabata pa un bon jeep pa por vigila costa, pa cierto actividadnan cu ta tuma luga eynan. A sinta diferente biaha cu nan y a tene negociacionnan basta largo. A bin na e jeep Wrangler. A haci hopi ahuste riba dje. A haci’e na nan gusto y tambe ahusta e auto na e trabao cu e auto tin di bay haci cu ta riba camindanan hopi bruto y casi inaccesibel, manera Noordkust.

Mester a pone tairanan mas grandi, mester a pone un liftkit. Tin un skitplate di 1/2 centimeter bao di dje. E por wanta un bon golpi abao. E autonan aki a wordo ekipa cu no por laga nan na pia. Nan por yega unda nan kier yega.

Customized

Nan por set in e autonan aki na diferente actividad cu por tin, segun Meenhorst. Nan mester sa den cua actividad nan ta pone e autonan aki disponibel. Pero e mainpoint ta cu ta na costa. Nan a exigi luznan tambe pa esey, cu den cierto actividad nan ta reconocibel.

Desde ki tempo

E autonan aki tabata tin nan den stock. Ta Ultimate Automobiles a pintanan riba exigencia. Tur esey mester a haci cambio riba nan. A yega na un acuerdo luna pasa. E autonan a wordo converti basta lihe. Ta wardando algun detaye chikito ainda, algun material cu mester yega, cu por haci entrega oficial na nan.

Indicacion

E auto lo bay bin cu indicacion, pero no echt remarcabel.

Costo

A ahusta algun cos y tur cos tin costo. Nan tabata tin un budget y a traha cu nan y por a wak. Nan tambe a sinta busca unda por a haya material di calidad halto toch na un bon prijs cu por a meet cu nan budget. 

Auto personalisa

Ultimate Automobiles ta cla pa yuda tur hende. Nan por haci tur ahuste riba e autonan aki. Tin asina hopi cos pa e Wranglernan cu por haci cambio. Meenhorst a splica cu ekiponan tambe a wordo instala cerca nan. Tin solamente radio cu polis tin su propio hendenan. Ta algo cu ta di importancia pa nan, cu no ken cu ta por instala esey pa nan. Nan tin nan hendenan pa instala esey. Pero loke ta trata e luznan, tur esey, e sirena, Ultimate Automobiles ta haci esey.