Tin varios desaroyo rond di Universidad. Rector di e institucion, Glenn Thode, a splica cu si mira universidad di Aruba, ta den e di 30 aña di existencia. Na apertura di aña academico venidero lo refleha bek y mira na futuro.
Den e 30 añanan aki toch a desaroya di un universidad cu a start cu un solamente un solo facultad, cual tabata esun di derecho cu ya caba tabata tin necesidad, como un pais nobo, cu a caba di lanta y tin su mesun dominio di su mesun leynan. Tabata tin hurista forma na Aruba. Pero despues di esey tabata tin e necesidad di hende cu ta domina economia, pa desaroya esaki na Aruba. Despues turismo y awor aki tambe Organization Governance Management. Tin Wiskende, Mercadeo, tin Social Work and Development cual ta importante.
Ultimamente mester duna hopi atencion na e esfera social tambe di nos comunidad. Esey a pone cun’e cu no solamente tin mas estudio pa ofrece na e studiantenan pero ta atrae mas studiante, y tin mas mester di hende pa traha. E ta pone presion riba e espacio cu tin. A lanta como universidad den e edificio di La salle. Pero ya for di 2009 a crece demasiado pa e edificio eynan so. Tin tempo ta huur un edificio cual ta e edificio di APEX, cual ta banda di Tamarijn Beach Resort. Ta uzando dos edificio pa acapara e cantidad di trahado y studiantenan cu tin.
For di basta tempo ta buscando medionan con pa amplia e espacio, modo cu por sigui desaroya tambe. Tin mas necesidad na Aruba encuanto estudio. Esey lo trece cune cu tin mas mester di hende pa traha den e estudio y tin cu ofrece e studiantenan espacio pa por studia. Esey a pone cu a cuminsa pensa. Tin un plan con pa amplia rond di e edificio di La Salle unda cu nan a establece, e ora por consolida tur trabao y trahadonan y tur e studiantenan rond di e edificio di La Salle. Esey a pone cu tin un plan maestro den cual ta mira si por uza e edificio banda di nan, cual ta Maria Convent, den cual ainda tin na bista si por sali afo cu entre otro Obispado y SKOA pa mira si en berdad por amplia y bay patras tambe di Universidad di Aruba, caminda tin Frere Bonifacius su edificio. Esey ta pone cu por wak’e di un otro banda. Drentando paden, lo por conecta e dos cayanan na otro como universidad y tambe naturalmente semper ta keda habri cu ideanan pa kisas amplia bay p’adilanti bay pa e edificio di Postkantoor.
Tur esakinan ta procesonan cu ta canando y ta cana tambe riba un speed relativamente trankilo. Pasobra a hopi partido ta envolvi y esey ta pone cu bo no ta yega di un dia pa otro y por ehecuta un plan asina aki.
Actualmente ta den un proceso pa amplia estudionan na Universidad cu ta encera nan smart island solutions cu introduccion di disciplinanan Stem Science, Technology, Engineering and Math. Esey ta pone cun’e cu lo ta amplia pa estudionan cu tin di haber cu sostenibilidad. Esey ta cosnan manera con ta anda cu energia y e ciclonan di energia riba un isla manera Aruba. Con ta produci nos mesun cuminda. Con ta percura pa siguridad di cuminda. Esey ta importante no solamente pa nos mesun poblacion pero pa e pilar economico cu ta nos turismo.
Den tur esaki tin un acuerdo di cooperacion cu KU Leuven, cu ta un di e universidadnan mas innovativo na Europa denomna aña pasa. Nan tin tur e conocemento aki, di modo cu por traha hunto cu nan. E proceso pa yega na e STEM aki, Smart Isand Sollution aki, ta bay via di un peticion cu tin ta andando y ta den e proceso di prepara tur documentacion pa haya sosten financiero di union Europeo pa haci esey. Paralelo na esaki mester di enberdad soluciona tambe e parti unda lo amplia di modo cu e Union Europeo sa cu una bes inverti e medionan den Smart Island Sollutions cu implementacion di STEM, lo tin berdad espacio suficiente pa ubica estudionan nobo. Lo mester introduci laboratorionan tambe rond di e universidad. A papia esaki cu Union Europeo. Tin un plan pa esey. Pero esey ta rekeri berdad cu ta haya un tiki mas siguridad encuanto di e posibilidadnan di ampliacion. Pa e motibo ey tambe cu tin awor aki un comision cu ta studiando esey hunto cu Universidad. A hiba e prome combersacionnan caba. Una bes cu sa exactamente riba ki forma y mas of menos e timeline cu lo por tin solucion pa e ampliacion aki, e ora por acerca media atrobe y comparti esaki cu comunidad.
Un estorbo?
Glenn Thode a splica cu e desaroyo no ta strobando e Universidad. Tur e procesonan aki ta tuma tempo. E proceso di preparacion di estudio ta tuma tempo. Ta necesario si pa una bes cu tin tur cos cu ta tuma planificacion extenso manera e documentacionnan, e planificacion pa estudio. No mester recluta personal, pero mas bien mester di e fondonan necesario. Ta necesario e momento ey si pa esakinan ta soluciona. Pero mas bien, si una bes tin tur cos prepara den planificacion, e recurso mas esencial ta, e medionan financiero.
Ta importante pa por sigura e medionan di sosten di Union Europeo pa e crecemento aki y ta spera tambe y a haya si caba, un sorto di garantia cu Gobierno lo sigui sostene e proceso aki, una bes cu e fondonan Europeo termina. Pasobra esaki ta un proyecto. E tin su periodo pa cuminsa y un periodo delinea pa termina. No ta asina cu nan lo stroba e Universidad pa crece, pero ta esencial pa percura pa tin tur esaki completa, una bes cu e decisionnan ta tuma den Union Europeo.
Tambe, si mira bon, e espacio si awor aki ta manera ta awor aki ubica, a yega na e limite. No por crece, mirando e edificionan cu tin awor aki na disposicion di e Universidad.
