Cruz Cora a cuminsa cu un programa na KIA. Segun comandante Marietta Wanopa, a cuminsa cun’e dos aña pasa, ora cu un representante di Cruz Cora a biaha pa Irlanda y a tuma un tayer completo den e institutonan coreccional hopi pisa cu tin na e pais aki.
Nan tabata pa mehora na moda y acomoda nan mas miho durante nan tempo cu nan ta pasa den un prizon. Wanopa ta sigui splica cu Irlanda no ta manera Aruba. Personanan cu tin hopi peso ta sinta tras di tralie. Personanan cu nan sentencia ta pa bida largo. A bay for di Aruba un persona di Cruz Cora cu a representa tambe e parti Hulandes. A bay personanan di Isla Riba cu no ta den nos region, esta otro islanan Ingles y a bay tambe Sur America. A ripara cu e ultimo dos añanan ningun di e paisnan cu a bay a cuminsa cu e programa, mirando cu e no ta asina facil pa realisa. E programa bo tin di bay acerca e parti cu ta maneha e prizonnan, bo tin di cuminsa pa mira con e comodidad ta, y con e preso mes ta paden.
Kico Cruz Cora ta haci
Pa dos aña largo nan a prepara den nan buki, unda cu nan a traha un module completo na Papiamento, na Spaño y parti di dje ta na Ingles. Esey ta loke a wordo presenta. Tur siman diaranson, ta bay KIA, e lesnan ta cuminsa eynan pa 9’or di mainta y ta caba supuestamente 11’or. Pero ta baha casi pa 12’or y mey of 1’or di merdia, mirando e preguntanan cu ta wordo haci.
Con ta haci’e
Cu escogencia di e staf eynan, nan mes a scoge e afdeling cu nan ta kere cu por tuma e curso. Es decir, esey tampoco no tin nada di bisa den dje. A pone en principio pa tuma cinco persona. Pero na ora di sinta e prome, a haya 9 persona. A cuminsa wak otro, mirando cu a kere cu ta cinco, pero supuestamente nan tabata hopi interesa.
Imagina cu e murayanan di KIA ta bira e cas pa 10 aña. Con por dividi’e, con por cambia di dje, con por bira miho haciend’e mas agradabel p’abo. Tur eseynan ta encera den e programa cu Cruz Cora ta presenta. Tambe higiena ta hunga un rol. Tambe e parti emocional cu nan mes por uit nan mes, tambe e parti unda cu nan por pone riba un rapport cu ta duna nan, kico eigenlijk nan ta kere cu nan por cambia. Por ehempel si nan ta desea di cambia algo eyden, nan forma di biba, tin regla. Nan tambe tin di bay cu e reglanan, manera tur caminda. Pero si nan por wordo scucha p’e. Con bo ta wordo scucha hopi baha. Mayoria di biaha nan ta bira hopi agresivo, mayoria di biaha nan ta bin cu imponencianan y esey nan ta e parti unda cu ta drenta y cuminsa poco poco. Awor aki e prome cos cu Cruz Cora a haci ta mustra nan kico eigenlijk a pasa den un prizon na Irlanda.
