Riba diasabra di Pasco den oranan di merdia, a yega un crucero Aruba pero cu peticion special. Nan lo no keda nos isla, pasaheronan ni tripulacion lo no baha tampoco, pero si nan ta desea pa autoridadnan por subi abordo pasobra nan tin un morto. Mesora a activa polis, dokter na warda, Migracion, Duana y tur otro entidad cu mester ta presente na momento di un scenario asina.
Dokter di Aruba a subi e barco MV Seabourn Ovation y a constata morto di un persona cu tabata abordo. A motibo di e morto, segun e dokter di Aruba, ta “natural”, pues no a nota ningun indicacion di crimen. Pero, como cu tabatin demasiado caso “positivo” abordo, no a duna permiso pa ningun hende baha, tampoco e defunto. Pues, a djis constata morto, traha un rapport oficial y laga e mesun crucero sigui cu e cadaver abordo te ora e yega na e waf di unda el a sali. Pa mas informacion, lesa e edicion di TREMPAN di awe.
