Pa di dos aña consecutivo, Kiwanis Club of San Nicolas ta organisa su tan gusta “K-Pop Up Sale”. E aña aki, a hacie den un “Holiday edition”. Cu articulo nan pa henter famia. Paña, acesorio, sapato pa esun mas chikito di cas, te cu adulto nan.
Tur esaki na un “prijs di baca flaco”. Pa dia 27 y 28 di december tur cos tin cu bay, pa es motibo ey, tur cos ta entre 1 cu 15 florin.
Nos lo ta habri di 5or pa 8or di anochi y por paga tanto cash como swipe.
E bunita di e “K-Pop Up Sale” aki ta, cu tur fondo recauda ta bay bek den nos comunidad. Esaki den forma di projecto y/of actividad cu lo wordo organisa den nos comunidad, pa nos comunidad.
Kiwanis Club of San Nicolas, lidera door di presidente Endrah Richardson – Gumbs y tur miembro ta invita henter pueblo di Aruba pa pasa na ex – Cosecha na San Nicolas di 5or pa 8or awe, 27 y mañan 28 di december.
Tambe nos kier tuma e oportunidad pa desea henter nos comunidad ainda un Bon Pasco y tambe un Bon Aña 2022, yena cu bendicion, dicha, prosperidad y salud.
