Comision organisado di Crossing for Hope hunto cu Aruba Dolphins Swimming ta gradici pueblo di Aruba pa e recepcion masal cu nos 5 landadonan a ricibi diadomingo dia 11 di november 2018.
E tabata momentonan emocional y di orguyo pa un y tur presente y tambe pa esnan cu a presencia e momentonan aki via television, radio of facebook sea na Aruba of den exterior. E landadonan a sali cu velocidad halto fo’i Venezuela pero yegando Aruba e stroom tabata masha duro mes. Davy Bisslik a yega Santo Largo pero a dicidi di landa bin Zeerovers y logra yega despues di un landa di 8:20 ora (36.06 km). Stephan Thijsen a subi tera na Barcadera despues di un landa di 8:41 ora (37.37 km). Sigui pa Romar Arendsz cu tambe a subi tera na Barcadera y a landa 8:47 ora (40.92 km). E prome dama cu a landa di Venezuela pa Aruba, Wendy Kock, cu a impresiona publico presente a subi tera na Surfside Marina y a landa net 10 ora (43 km). Deaxo Croes tambe a yega Aruba na Barcadera y a landa 10:20 ora (42.42 km). E landadonan ta gradici coach Roly Bisslik pa su dedicacion, conseho y inspiracion.
Un danki grandi na tur medionan di comunicacion cu a aporta nan tempo y dedicacion na promove Crossing for Hope y a publica di un manera of otro e trainingnan y/of evento prome, durante y despues. Sin laga afo esnan cu a transmiti live y a captura lo mas esencial di e yegada di cada landado. Tambe un gradicimento na nos fotografonan di Aruba Dolphins, Alvin Croes, Armando Goedgedrag y Marvin van der Linde. Un gratitud na 297Sports cu tabata para tras di e landadonan di inicio di nan preparacion. No tin palabra pa gradici Ingenuity Creative Marketing (Jeff Lopez y Robert Tromp) pa e trabou cu nan ta eherciendo, cual ta produci un documentario. Pueblo di Aruba por keda pendiente pa esaki. Sin laga afo, danki pa a yuda nos maneha e area di prensa.
Koningin Wilhelmina Fonds (KWF) a logra ricibi alrededor di 40.000 florin donacion. Nos ta aprecia cada bon gesto di esnan cu a haci donacion. Tambe na Koninklijke Marine y Arubaanse Zwembond cu haci nan donacion dilanti publico presente. Gradicimento grandi na e sucursalnan di Botica di Servicio y Op=Op cu a colecta pa KWF den nan tiendanan. Cuentanan di banco (por hayanan riba www.crossingforhope.com) y tambe e posibilidad pa haci donacion via credit card (http://bit.ly/KWFaruba) sea local of internacional ta keda habri. Ban yuda KWF logra hisa e suma aki na 100.000 florin.
Tabatin un ambiente desde trempan danki na nos MC nan, Greg Croes y Nen Flores y tambe e bandanan Los Paranderos y Rincon Boys sigui pa Grupo di Betico y Tsunami. Dj Xavi-D y Nutzbeatz tambe a deleita e publico presente cu dushi musica sin spera nada a cambio. Un gradicimento di curason. E dushi cuminda cu no por a falta, Burger Joint, Blue Barrel Café, Truck Johannes, Piet Super Truck tambe truck di Raspao y di Coco y Monica Tromp pa e sopi, danki pa a forma parti di Crossing for Hope. Muchanan a gosa tambe na e actividadnan pa mucha prepara pa Artaiza Fräser y Aimee Boderie, masha danki.
Na Crossing for Hope su sponsornan di mas grandi, Platinum Sponsors: Elite, Budget Marine, Aruba Aloe, Digicel y Ingenuity Creative Marketing, danki pa a forma parti di nos evento. Gradicimento na nos Gold Sponsors: New India Assurance, CMB, Otis, Setar, Emco y Minister di Turismo, Salubridad y Deporte; y tambe Bronze Sponsors: ASTEC, Century Group y Andmar Manpower Services. Sin e sosten di nos demas sponsor- y partnernan e evento aki no lo tabata posibel: Varadero, Bon Bini Cargo, PressPlay, Nagico, DHL, Grant Thornton, APA N.V., Monarch CPA LLC, Aurora Funeral Home, ATCO, Romar Trading, Goodfellas Consolidation VBA, Panaderia del Pueblo, Johnsons Supermarket, S-Chow Supermarket, Artmando Multimedia, HC Adidas Aruba, Sport Caribe, Subway, Kuzeta, Printshop, CR38TE (www.crossingforhope.com traha pa Alin Rudy Croes), ProActive IT Solutions, Bitklik, Standard Communications, Jads, Safecom, Ecotech, Serlimar, DOW, Aledda, Ibisa, Balashi, Andina Ice, La Fama, Richard Krammers, Tropical Bottling, Albo/Arubaanse Wegenbouw, RR Tire Repair Center, Botica Santa Anna, Top1Toys, Marriott Care Foundation, Matthews Beachside Restaurant y Waves Beach Bar & Grill.
Un reconocimento special na departamentonan cu a sostene nos sin pensa dos biaha: IMSAN, Rode Kruis, Kustwacht, Maritiem Politie, Korps Politie Aruba, Douane y Immigracion. Danki na bisiñanan cu a bay di acuerdo pa cera caminda. E dushi sopinan di Hedy Slikker-Bisslik y Winnie Bisslik traha special pa nos boluntarionan y crew no por a falta. Na Gigi Morales y Mario Maduro cu a ofrece nan servicio di massage na e 5 landadonan ora nan a yega y tambe Jesensia pa a haci un tremendo trabou, masha danki. No tin palabra suficiente pa gradici Zeerovers pa a permiti nos haci e evento aki na nan localidad y bisindario. Masha danki di curason pa e sosten brinda. Nos ta aprecia e sosten di companianan, instancianan, crew di cada landado y boluntarionan cu di un forma of otro a yuda haci Crossing for Hope uno sumamente exitoso. Lo ta un dia cu lo keda marca den curason di tur cu a biba e hazaña aki.
