Diaranson atardi varios unidad di polis a dirigi nan mes direccion Sero Blanco. Prome informacion ta cu lo tin un homber rabia kibrando port’i cas cu menos bon intencion. Na momento cu polis a yega na sitio, a haya e homber y e slot di porta kibra. A papia cu ne y el a confirma cu e ta biba na e cas ey cu su pareha. Aparentemente cos no ta mucho bon entre e pareha, motibo suficiente pa e dama dicidi cu e kier pa e homber keda pafo di cas.
E homber a yega cas y topa cu un situacion cu e no a spera, el a pasa man pa herment y cuminsa na kibra e slot. Polis a atende cu ambos, a splica e dama cu su accion ta robes debi cu e homber tambe ta biba den e cas. Polis a bandona sitio despues di intermedia entre e pareha.
