Trahado social Adriana Dorothal a celebra 25 aña den servicio di EPB. Como trahado social Adriana semper a traha cu dedicacion y placer na bienestar di e alumnonan di EPB.
Ludwina de Cuba a celebra 30 aña na diferente scol di EPB. Pa e ultimo 21 aña, el a traha den e directiva di EPB. Ludwina semper tabatin atencion special pa e contenido di enseñanza, e tabata e lider di e proyecto di innovacion Scol Chikito den Scol Grandi.
Director Gregory Mathilda a elogia e dos dama pa nan gran contribucion na e instituto EPB. Na final e director conhuntamente cu inspector di enseñansa Hoen, a entrega un plakaat na Adriana y Ludwina como muestra di aprecio.
Tur colega y alumno di EPB San Nicolas ta felicita tanto na Adriana Dorothal como tambe na Ludwina de Cuba pa nan aniversario y alabes duna danki pa nan dedicacion.
