Mas y mas ta mirando e controlnan di Polisnan riba caya.
Tin algun chauffeur cu no ta gusta pasobra tin algo robes cu nan documentonan di auto of no tin rijbewijs. Asina mes e mayoria ta aprecia e controlnan.
Si bo papelnan ta na ordo den menos cu dos minuut bo ta cla cu e control. E realidad ta cu tur dia tin accidentenan riba caminda cu autonan sea sin seguro of chauffeur sin rijbewijs. Esey ta perhudica otronan cu si ta cumpli. Tin hende cu ta keda cu autonan kibra pasobra esun cu a causa e accidente su auto no tin papel of e ta core sin rijbewijs. Na Paradera e control a bay bon. A mira cu autonan y trucknan grandi a pasa den e control di Polis riba caya. Den e proceso tin multanan cu a cay tambe.
