Diasabra henter dia e grupo “Jeanne DArc”, un di e 6 gruponan di Arubaanse Padvindsters Gilde (APG) a parti “smiley hearts” den Savaneta. Meta di e accion aki ta pa yama Danki y pa corda tur hende ki forsa un solo sonrisa tin! Smile, e ta drecha bo dia y ta contagia positivamente! Asina ta prepara muchanan pa mayan nan tambe yuda y cuida un otro.
Riba e foto por aprecia e muchanan di bishita na cas di ex-Gobernador Freddis Refunjol, den curason di Savaneta. Asina a parti cara sonriente rond Aruba. E accion a cay den masha bon tera. Na Aruba tin mas o menos 270 miembro di e organisacion, cu mundialmente ta existi pa 100 aña caba.
Lord Baden Powell a funda e organisacion di scout pa mucha homber y su mesun casa a funda esun di mucha muhe, cu na Aruba ta organisa bou di APG.
