Recientemente Merca a nombra un funcionario nobo cu ta ocupa e puesto Consul General, cu base na Corsou. Ta trata aki di Allen Greenberg, kende a asumi e puesto aki dia prome di juni ultimo.
Den cuadro di esaki sr. Allen diaranson tabata na Aruba pa un bishita unda el a cera conoci cu e diferente instancianan oficial pero tambe tabatin almuerso cu diferente personahe di comunidad di Aruba. Ta trata aki di un grupo di persona cu a yega di participa den programanan na Merca, cual a wordo gesponser door di Gobierno Mericano, entre nan Mark Benson Denz, Director di Headlines Group (24ora.com).
Den combersacion cu 24ora.com, e consul general di Merca nobo na Corsou, sr. Greenberg a conta cu esaki ta prome biaha cu e ta riba e islanan di ABC. Aruba ta un pais hopi importante. “Aki tin hopi turista Mericano, tin varios residente di Merca tambe cu ta biba na Aruba y loke nan kier ta un intercambio mas profundo y amplio cu e comunidad di Aruba.”
Greenberg a splica tambe cu e ta na Aruba pa topa cu autoridadnan Arubano, sperando cu por expande e cantidad di Arubianonan cu ta bay Merca. Hopi Mericano ta bin Aruba pa disfruta di e lama y beachnan, pero tin hopi mas cu por comparti y haci hunto, por medio di intercambionan. En particular, Greenberg kier mira mas hoben bay Merca pa nan studia.
Diferente programa
Fuera di studia, tin mas programa, caminda cu por incorpora studiante y profesionalnan pa Merca. YLAI ta un programa pa young entrepeneurs entre 25 y 35 aña riba tur tipo di tereno, y ta pa hendenan cu ta energetico, cu kier continua cu nan negoshi, cu kier amplia nan range di contexto, haya ideanan nobo. Esaki ta iniciativa di lidernan hoben di Merca (Young Leader of America Initiative). Actualmente ta tumando aplicacion pa entrepeneurnan nobo di Aruba.
Un trayectorio extenso
Greenberg tabata na traha na Rusia, Polonia, Hapon. Tambe e tabata na Cuba algun tempo pasa. Esaki ta prome biaha cu e ta den Caribe Hulandes. Greenberg ta conta cu e y su casa gusta masha hopi y a bin cu nan mascota. E gusta ta na Corsou y tambe a gusta biaha pa e otro paisnan den Caribe y awo cu el a conoce Aruba, el gusta e isla aki tambe.
