Martijn Balkestein, ex director di Oficina Central di Estadistica di Gobierno y actual Coordinador/Consehero di Minister mr. Xiomara Ruiz-Maduro, encarga cu Finansa, Asuntonan Economico y Cultura, a opta pa bandona Cocolishi pa asumi e funcion di Director di Camara di Comercio y Industria (KVK).
Martijn Balkestein ta un persona conoci pa su carera largo den ramo di economia y estadistica, cu a eherce su trabounan cu profesionalismo y integridad. Den pasado e la fungi como director di CBS y tin conocemento amplio riba e tereno di economia y data analysis. Esaki ta importante mirando cu KvK lo kier trece mas informacion dilanti a base di analisis di datonan di registro y e mercado.
Anteriormente caba Balkestein tabata un di e candidatonan potencial cu a solicita pa e puesto di director. E biaha aki den e proceso nobo pa reemplasa Sonja Velthuizen, directiva di Camara di Comercio a acerk’e pa evalua si e ta dispuesto pa asumi e reto y el a acepta.
KvK lo continua bou maneho di un director nobo cu sigur lo continua cu e bon trabou cu e director anterior a sa di brinda.
