Diasabra marduga, pa exactamente 3:00am, Erick Laurence, compaña pa otro 4 coredo, a sali for di Lighhouse di Sero Colorado, cu meta pa yega California Lighthouse y asina completa e recorido di 40 kilometer na pia.
Erick Laurence ta un persona cu 5 aña pasa a haci operacion di Gastric Bypass y desde e tempo ey el a cambia su estilo di bida completamente. Di bira un coredo y tri atleta, Erick a participa tanto na caredanan local como internacional. Cinco aña despues Erick kier conscientisa mas hende riba e operacion aki pa asina por mehora nan calidad di bida. Pa esaki Erick a dicidi cu riba su fecha di nacemento e lo bay core di lighthouse pa lighthouse y asina cera 40km.
Pa e reto aki Erick a wordo compaña pa 4 otro coredo, Sigfried Godoy, Ursell Damon, Gino Kock y Jean-Marc Blacio Martis. Tambe tabatin un team cu a compaña Erick riba ruta semper teniendo cuenta cu tur e reglanan di DVG. Sigur un reto hopi grandi pa Erick mirando e operacion cu el a haci pero na final el a sa di mustra tur hende cu e ta logra su meta y den un tempo di 3 ora y 59 min. Manera el a calcula.
Erick sigur ta gradici su sponsornan cu ta Get Energized Massage, IBS Samsung, Fruteria Virgilio, Ray’s, Axion, Citgo Sasaki y Power Sport. Tambe Erick ta gradici tur otro hende cu a yuda riba ruta y cu a duna apoya pa e por a logra su meta. Sigur un ehempel pa sigui.
