Diadomingo anochi pa 8:30pm tabatin un caso di maltrato den e casnan di pueblo na Mabon. Polis a presenta pa atende cu un problema di fiamento di placa. Un bisiña a yega pa cobra e placa cu a fia, pero e proceso di cobramento no a bay facil.
Tanto e homber como su casa a rabia masha pa e hecho cu a bin cobra nan na cas y a bira masha agresivo. Den e proceso ambos a maltrata e bisiña cobrado severamente.
Mientras polis tabata interveni den e problema di cobramento agresivo, un otro hende muhe a dal un otro, bent’e abou y insult’e dilanti e defensornan di ley. No a keda e polisnan nada otro pa activa mesora y detene e señora eynan mes.
Mirando cu e bario a cuminsa sali bin afo y tabata mustra comosifuera cu e situacion lo por bay for di man, a pidi pa refuerso di mas polis na e sitio. Den e proceso a detene un total di tres sospechoso na e sitio. Na ward’i polis nan lo tin cu duna cuenta riba e forma agresivo aki di atende cu otro den bario, banda di e hecho cu ora fia, mester corda cu tin cu paga bek tambe!
