Un rato pasa alrededor di 8:15pm a sosode un accidente cu herido leve na altura di Ban Ban Cafe na Madiki. Ta trata di un auto marca Toyota modelo Vitz, numera A-56836. Segun testigo, e Vitz tabata biniendo di pariba. Pues for di Wan Li, ora cu diripiente un auto a sali for di Madiki dilanti di e Vitz. E impacto tabata fuerte.
E dama chauffeur tabatin hopi dolor na pecho. Ambulance a presenta y atende cu e victima. Na final a transporta e victima pa hospital pa eynan e ricibi tratamento medico avansa.
E auto a ricibi basta daño material, specialmente na e bumper dilanti y e windshield a keda destrui. E pal’i luz a ricibi daño debi na e accidente, way’i coriente tabata colga basta abou.
A pidi pa tecniconan di Elmar presenta na e sitio pa check e situacion di e pal’i luz y e kabelnan colgando abou riba caminda.
