Recientemente e programa di Social Work and Development (SW&D) di Universidad di Aruba a organisa un conferencia educativo pa su studiantenan, maestronan y trahadornan social di e veld. E proposito di e conferencia aki tawata multiple.
Na prome luga, pa responde na e NVAO (Nederlands-Vlaamse Accreditatieorganisatie) su recomendacion pa ‘Posiciona e programa den un manera mas unico den e veld local di trabou social pa informa e comunidad y e dunador di trabao local’. Pa di dos, pa concientisa tocante e Sustainable Development Goals (SDGs) y e probleman tocante desaroyo social na Aruba; y pa di tres, pa identifica maneranan concreto pa integra e plan di crisis social di Aruba den e curriculum di SW&D cu e SDGs como e structura actual.
Danki na tur cu a participa y un gratitud special ta bay pa nos oradornan: – Sr. Wilbert ‘Gino’ Marchena, Analista di Maneho na Departamento di Asunto Social – Sra. Glenda Hernandez, Director di Departamento di Asunto Social – Sra. Jocelyn Croes, Presidente di Comision di SDG di Aruba y Bureau di Minister di Asunto General – Sr. Marc Croes, Miembro di Comision di SDG di Aruba y Departamento di Asunto Economico
