Periodistanan mes a bira victima di e persecusion aki. Awe por mira sindicalistanan ta bira victima di e persecucion di gobierno. Ta papiando por ehempel sindicato di Douane segun Parlamentario Arthur Dowers.
Sindicato di Douane, na momento cu e gobierno aki a sinta, a pidi afspraak cu nan. E minister e tempo ey a nenga rotundamente pa papia cu e sindicato. El a bisa cu e no por baha trapi di bestuurskantoor, pasobra e tabata malo. Pero por a mira despues cu el a bisa esey, ta balia henter e ruta di carnava.
Esey tabata simplemente un gañamento, un falta di respet pa e douane y djis pa mustra, cu e tin e poder y tur hende mester haci loke e kier.
Por a mira e siman aki, cu sindicalistanan ta hibando un discusion cu gobierno y ta mira cu nan ta wordo persigui.
Tin poco di nan cu no sa mes cu nan ta den sindicato, pasobra antes, tur dia nan tabata hiba un mensahe politico na nomber di opisicion, tabata contra gobierno tur dia y awor aki nan ta keto.
Unico sindicatonan cu tin curashi y para pa nan miembronan, ta wordo atrapa. E ora ta puntra bo mes, si esey ta democracia.
Con por ta posibel cu ta usa sindicato na momento cu bo ta den oposicion, pa mira con ta influencia e proceso pa por yega den gobierno y na momento cu bo drenta gobierno, b’a maltrata sindicato.
No ta bisando cu tin cu duna tur loke sindicato kier, pero alo menos duna nan e respet y esey ta loke gobierno anterior a haci.
Dowers a splica cu e tabata den gobierno un siman el a haya sindicatonan ta bati na su porta, pa cosnan cu no tabata sa ainda cu ta pasando.
E hendenan aki tin un aña den gobierno y a awo a bin resulta cu despues di un aña nan no ta cumpli cu e mesun cosnan cu sindicatonan a bay pidi, no ta duna e sindicatonan e respet cu nan merece, no kier papia cu nan. Y e cos mas tristo ta, cu nan tambe ta birando victima di persecusion, pasobra tabo tin e poder.
Ta spera cu e sindicatonan aki por habri nan wowo y realisa cu nos ta un pais, caminda cu tur hende tin cu contribui pa adelanto di e pais y no laga nan mes wordo usa hamas y nunca door di partido MEP pa yega na poder y despues yega na poder, schopnan, manera cu ta schopnan na e momentonan aki.
